Hver bað um þennan snjó???

Halló!!! Það er sko október ennþá. Reyndar man ég að snjóflóðin fyrir vestan forðum voru í október, þannig að þetta er ekki einsdæmi og nú er aftur varað við snjóflóðum á norðanverðum Vestfjörðum.

En mér er alveg sama þó svona hafi einhvern tímann verið áður, ég vil ekki snjó svona snemma og ég er frekar umburðarlynd gagnvart veðri. Læt ekkert pirra mig og finnst allt veður gott nema þegar norðanáttin næðir í frosti, það þoli ég ekki. Og svo svona ótímabæran snjó.

Hvað á maður að gera eiginlega? - fara að skrifa jólakortin???

Athugasemdir

[Hallmundur Kristinsson, 24.10.2008 kl. 00:00]

Nei, farðu út og búðu til snjókarl. Ekki væri verra að hann líktist Seðlabankastjóra. Vittu til, svo bráðnar hann einn daginn!

[Brynja Hjaltadóttir, 25.10.2008 kl. 09:54]

Rétt...snjóflóðið á Flateyri féll 26. október. Man það svo vel því það er afmælisdagur pabba gamla. Fyrra snjóflóðið sem fékk á Súðavík var 16. jan sama ár. Þá eignaðist frænka mín dreng og Hjalti minn var nýfæddur. Þetta situr pikkfast í minninu...

[Brynja Hjaltadóttir, 25.10.2008 kl. 09:56]

Og ég skrifaði fékk...átti að sjálfsögðu að vera féll. Og þetta var 1995..

[Hulda Brynjólfsdóttir, 25.10.2008 kl. 10:06]

Mér líst vel á þetta með bankastjórann  hann væri bestur bráðinn.