Páskabingóið

Trúleysingjar ákváðu að hafa bingó á páskadag; "af því að það er bannað skv. lögum og hefðum í kristinni trú!" Mér heyrðist allavega að það væri ástæðan fyrir því þegar ég hlustaði á manninn sem svaraði fyrirspurnum í útvarpinu. Hann spurði af hverju sett væru lög skv. kristinni trú en ekki einhverri annarri trú.

Ég veit sossum ekki svarið við því. Kannski af því að meiri hluti þjóðarinnar tilheyrir þjóðkirkjunni!?

En mér finnst að fólk eigi að bera virðingu fyrir trú annarra. (Þá væru kannski færri styrjaldir). Að spila bingó á páskadag,- af því að það er bannað, finnst mér barnalegt og í rauninni bara til að reyna að skapa leiðindi. 

Með fullri virðingu fyrir bingóinu sem íþrótt... 

Athugasemdir

[Þráinn Sigvaldason, 26.3.2008 kl. 09:59]

Heyr heyr...

[Eyjólfur Sturlaugsson, 26.3.2008 kl. 22:04]

Blessaðir trúleysingjarnir trúa alls ekki og skilja því ekki trú fólks.  Því eiga þeir í mesta basli með að virða þessa skrítnu kennd okkar og hefðir sem henni fylgja.

Auðvitað ættu þeir að stofna fríríki til að vera í friði og ekki undir neinum slæmum áhrifum trúar. 

 Í rauninni er skrítið að ekki skuli vera nokkur einasti staður á jörðinni...sem er alveg laus við trú.

[Gísli B. Gunnars. (IP-tala skráð) 30.3.2008 kl. 10:46]

Angi af þessu er hin svo kallaða ,,borgaraleg ferming".  Gott og vel allt í lagi að vera með einhverskonar manndómsvígslu, þar hafa tíðkast um árhundruð eða árþúsund. En afhverju að vera með hana á þessum tíma? Þ.e. á sama tíma og fermingar í þjóðkirkjunni og fyrir krakka á sama aldri. Rökréttara væri að hafa þessar fermingar þegar unglingurinn verður 18 ára og hefur náð sjálfræðisaldri. Er ekki betra að segja bara eins og er að það er verið að búa til ástæðu til að halda gott partý.