Hallú...

Æ... mig langar ekki að tjá mig um Villa greyið, ríkissjónvarpið eða neitt af því sem er í fréttum, - ekki á þeim nótunum allavega.

63 milljarða tap FL-group er mér ofvaxið,- skil ekki svona háar tölur... Enda kenni ég stærðfræði á yngsta stigi og þar erum við að vinna með mun smærri talnagildi.

Strákakjánarnir sem rugluðust á stúlku og níræðri konu eiga ekki mína samúð,- ekki heldur fyrir að vera svona óglöggir á tölur. Kannski þá helst fyrir að "lenda" í því að eiga sökótt við stúlkur, sama á hvaða aldri þær eru.

En mér finnst alveg dásamlegt hvað það hefur hlýnað úti og hvað það er orðið bjart fram eftir á kvöldin og þá ekki síst að vorlaukarnir séu farnir að blómstra í Danmörku. Það gerir manni svo hlýtt í geði að það skuli vera farið að grænka í Danaveldi á meðan við mokum skaflana hérna heima á Fróni ... 

- og það má alls ekki lesa neina kaldhæðni útúr þessari athugasemd hjá mér!!!

 

... var í smá blogg-leti. Kannski ég reyni að taka mig á þar,- eða bara segja formlega upp sem bloggari,- það má líka...

Athugasemdir

[Þráinn Sigvaldason, 14.2.2008 kl. 11:23]

Nei...það má ekki segja upp sem bloggari. Byji maður að blogga þýðir það að maður verður að blogga alla ævi...þannig er það bara

[Vigdís Stefánsdóttir (IP-tala skráð) 16.2.2008 kl. 12:51]

Maður má sko blogga þegar maður vill...og taka sér frí þegar manni hentar:)

[IHJ (IP-tala skráð) 17.2.2008 kl. 06:39]

   Ritlhvatning 

Að skrifa þegar skrafa ber

skyldi glens að hneigja. 

en enginn getur aftrað mér

ef ég kýs að þegja!

Mér finnst hvorutveggja gott:

a) að vera annars gestur án þess að taka tíma hans, fyrr en hann sjálfur kýs að lesa og sömuleiðis

b) að geta fengið gesti allan sólarhringinn heim á sitt eigið ritl(blogg), - og geta tekið á móti þeim á náttfötunum,

- að vísu eru mínir gestir mun orðvarari en þínir.  Það má alveg líta á það sem kost, en óneitanlega er gaman að masinu.

Góðar stundir og gleðilegt ritl. Kveðja frá Heiðmari

PS Bókstafnum í var ofaukið í athugasemdinni sem ég setti í gær, búinn að leiðrétta hana og flytja hingað og vil nú biðja þig Hulda að henda þeim pistli enda færðu þennan í staðinn og sunnudagsmorgunkveðju sem ekki fylgdi hinum.  Kv. IHJ

[Hulda Brynjólfsdóttir, 18.2.2008 kl. 14:12]

Heyr þér Vigdís,- mér hentar að taka mér frí núna, - ætla að gera það. Þráinn, þú getur lesið bloggið hennar Vigdísar á meðan, hún er með góðar skoðanir og gaman að lesa frá henni.

Heiðmar, þú ert snilli. Takk fyrir.