Leynivinir

Við erum semsagt með leynivinaviku á mínum vinnustað þessa vikuna. Þetta er held ég orðið algengt eða nauðsyn á hverjum vinnustað,- kannski til að rífa upp móralinn og kristilegt hugarfar fyrir jólin.

Ég hef tekið þátt í svona vikum undanfarin ár og hef mjög gaman af þeim,- alltaf svo gaman að gefa og gleðja.

Nú er ég á nýjum vinnustað og þar hefur það tíðkast að hrekkja náungann í bland við að gleðja hann. Ekki illa samt, bara góðlátleg stríðni. Einu sinni var bókasafnið skreytt með klósettpappír, einn auglýsti sófasett vinar síns til sölu og setti símanúmer hans í hérðasblöðin, einhver setti gúmmíhanska uppá púströrið hjá sínum vini og fleira slíkt. Ég verð að viðurkenna að þó ég sé pínulítið stríðin í eðlinu, þá er ég alveg steingeld þegar kemur að þessum hluta vinskaparins.

Mér finnst það heldur ekki vera góð vinátta að hálf taka mann á taugum með einhverjum sprengingum þegar maður setur bílinn í gang. Þannig að ég held mig við að gefa og gleðja og vona að vinur minn verði ekki sár yfir að vera ekkert strítt þessi jólin.  

 

 

 

Athugasemdir

[Þráinn Sigvaldason, 14.12.2007 kl. 12:45]

Ég man hérna í gamla daga þá var einhver óprúttinn aðili sem setti frauð í pústið á bílnum mínum (Datsun ZJX Rabbit árg 1976). Þegar ég var svo að keyra heim í hádegismat (á Hvolsvelli) kom þessi ekki litli hvellur. Ég snarstoppaði og stökk út úr bílnum og var litið á leikvöllinn fyrir utan skólann en þá lágu allir þar í jörðinni og héldu fyrir eyrun...Hljóðkúturinn var í tætlum undir bílnum sem varð til þess að fólk vissi alltaf hvar ég var

[Hulda Brynjólfsdóttir, 14.12.2007 kl. 14:00]

Ohh það eru svo notalegar svona hljóðkútsdrunur.

Ég ætla samt ekki að reyna þetta,- en þú mátt alveg koma með einhver önnur ráð.

[Þráinn Sigvaldason, 14.12.2007 kl. 15:22]

Eitthvað saklaust eins og að setja egg í skóna hans

[Gísli B. Gunnars. (IP-tala skráð) 15.12.2007 kl. 11:32]

Talandi um ,,vina" gjafir. Fyrir tveimur árum fékk ég fyrst tvo gullfiska og síðan næsta dag fékk ég tvo hamstra. Hvorki fiskarnir né hamstrarnir lifðu lengi hjá mér.

[Hulda Brynjólfsdóttir, 16.12.2007 kl. 09:52]

Egg, já. Það er svo dásamlegt að þrífa þau  .

Blessaður Gísli,- ég man eftir þessum gjöfum hjá þér  .